Rangi Kama Mbinu Ya Usimbaji Maana Katika Diwani Ya Rangi Ya Anga (Kithaka Wa Mberia)

Abstract

Tasnifu hii inahusu matumizi ya rangi kama mbinu ya usimbaji maana katika diwani ya Rangi ya Anga ya Kithaka wa Mberia. Tumelenga kuchunguza dhima ya rangi kama ilivyotumika katika diwani teule. Vile vile, tulibainisha ishara mbali mbali zinazowakilishwa na rangi tofauti tofauti. Pia, tulilenga kuweka wazi vichochezi vinavyomsukuma mtunzi huyu kutumia rangi katika kazi yake. Haya yote tuliyaweza kwa kutumia nadharia ya semiotiki inayohusu ishara na uashiriaji kwa kuegemea mkondo uliopendekezwa na Charles Pierce. Hii ni kwa sababu kila rangi imetumika kama ishara yenye maana baada ya kutafsiriwa. Nadharia ya semiotiki inashughulika ishara na maana zake kama zinavyotafsiriwa na wanajamii kutokana na mazoea yao ya kuzitumia.