Athari Za Mtagusano Kati Ya Jamii Na Ekolojia Katika Ushairi Wa Kithaka Wa Mberia:bara Jingine Na Rangi Ya Anga
Abstract
Tasnifu hii inahusu uchunguzi wa athari za mtagusano kati ya jamii na ekolojia katika diwani ya Bara Jingine (Mberia, 2001) na Rangi ya Anga (Mberia, 2014). Tumelenga kuchunguza athari za mtagusano baina ya jamii na mazingira. Ili kufaulisha lengo hili tumejikita katika mazingira ya kijiografia kama vile misitu, mito, bahari na kadhalika na kuonyesha jinsi yanavyoathiriwa na mwingiliano baina ya wanajamii. Vilevile tumebainisha jinsi masuala ya kijamii kama vile ufuska, ndoa za mapema, ubaguzi wa kijinsia na teknolojia ya kisasa yanavyoathiri mfumo wa ekolojia jamii. Pia tumebainisha masuala ya kiuchumi na kisiasa kama vile ukosefu wa kazi, ufisadi, uongozi mbaya miongoni mwa mengine yanavyoingiliana na kuathiri mfumo wa ekolojia jamii. Ili kufanikisha haya yote tumeongozwa na Nadharia ya Uhalisia ilioasisiwa na Lukacs mwaka wa 1963. Nadharia hii inadai kuwa msimulizi wa kazi ya fasihi sharti aeleze masuala ya kweli na yanayoweza kuaminika na kuthibitika katika jamii anamoishi. Nadharia hii imetuelekeza katika kubainisha mambo yanayoathiri mfumo wa ekolojia katika hali halisi ya maisha. Pia tumeongozwa na Nadharia ya Mfumo wa Ekolojia ilioasisiwa na Bronfenbrenner mwaka wa 1989. Nadharia hii inadai kuwa maisha ya jamii huathiriwa na watu na viumbe vingine vinayoizunguka. Nadharia hii imetuelekeza katika kubainisha jinsi mahusiano na maingiliano ya jamii yanavyoathiri mfumo wa ekolojia jamii.
Publisher
University of Nairobi
Rights
Attribution-NonCommercial-NoDerivs 3.0 United StatesUsage Rights
http://creativecommons.org/licenses/by-nc-nd/3.0/us/Collections
The following license files are associated with this item: