Athari Za Fasihi Simulizi Katika Riwaya Ya Utubora Mkulima

Abstract

Utafiti huu umeshughulikia athari za fasihi simulizi katika uandishi wa riwaya ya Utubora Mkulima. Sura ya kwanza ni somo la utafiti,madhumuni,maswali ya utafiti,sababu za kuchagua somo,upeo na mipaka,misingi ya nadharia na yalioandikwa kuhusiana na mada hii na methodolojia. Sura ya pili imeshughulikia tawasifu ya Shaaban Robert mwandishi wa riwaya ya Utubora Mkulima, falsafa yake kuhusu, fedha, dini, ndoa na athari za waandishi wengine katika uandishi wake. Katika sura ya tatu tumeangazia suala la mwingiliano matini kati ya fasihi simulizi na fasihi andishi tukizingatia Historia na mazingira, wahusika na tamathali za semi. Sura ya nne tumeshughulikia suala la usimulizi na sura ya tano ni hitimisho linaloangazia matokeo ya utafiti, mapendekezo kuhusu utafiti wa baadaye. Utafiti huu umeongozwa na nadharia ya vikale.