Ukombozi wa kisiasa na kiuchumi katika mkamandume

Abstract

Tasnifu hii imeshughulikia suala la ukombozi wa kisiasa na kiuchumi katika Mkamandume ya S. A. Mohamed. Lengo la utafiti huu lilikuwa kuchanganua hali ya kisiasa na kiuchumi katika Visiwa vya Zanzibar na Pemba na kutathmini chanzo cha hali hiyo kwa kuihusisha na historia. Aidha, tumechanganua mtazamo wa mwandishi kuhusu mambo yaliyopelekea mapinduzi ya mwaka wa 1964 katika Visiwa vya Pemba na Zanzibar na athari zake kwa wananchi wa visiwa hivi baada ya mkoloni kuondoka. Nadharia ambayo imetuongoza ni nadharia ya uhalisia wa kijamaa ambayo ni ya kimapinduzi na inayosisitiza umuhimu wa kuielewa historia ya jamii husika wakati wa kuhakiki kazi ya fasihi huku jamii husika ikisawiriwa kiyakinifu. Utafiti wetu uligundua kuwa, matatizo yanayowakumba wananchi wa visiwa vya Zanzibar na Pemba yana misingi yake katika historia ya jamii hii na kulingana na Mkamandume, hali ya kisiasa na kiuchumi imeendelea kuwa mbaya zaidi baada ya mkoloni kuondoka kiasi cha kuwepo kwa haja ya ukombozi wa pili.